Մադրիդի «Ռեալի» նախագահ Ֆլորենտինո Պերեսը վստահեցրել է, որ Արքայական թիմի կազմի թուլացում չի լինի պորտուգալացի Կրիշտիանու Ռոնալդուի հեռանալուց հետո եւ առաջիկայում թիմ կգան հրաշալի ֆուտբոլիստներ:
«Մեզ հայտնի է՝ ինչ են սպասում մեր թիմից յուրաքանչյուր մրցաշրջանում: «Ռեալը» միշտ ցանկանում է ավելին: Սա հաղթողների թիմ է: Ունենք գերազանց կազմ, որը կուժեղացնենք հրաշալի ֆուտբոլիստներով»,- ակումբի նախագահի խոսքը մեջբերում է Goal.com-ը:
Այս տրանսֆերային պատուհանի ընթացքում «Ռեալ» են տեղափոխվել «Զարյայի» դարպասապահ Անդրեյ Լունինը, «Ֆլամենգոյի» հարձակվող Վինիսիուս Ժունիորը եւ «Ռեալ Սոսյեդադի» պաշտպան Ալվարո Օդրիոսոլան:
Հետևեք NEWS.am SPORT-ին Facebook-ում, Twitter և Telegram-ում