Պերես. «Ռեալը» կուժեղանա հրաշալի խաղացողներով
13:22 19 հուլիսի, 2018Մադրիդի «Ռեալի» նախագահ Ֆլորենտինո Պերեսը վստահեցրել է, որ Արքայական թիմի կազմի թուլացում չի լինի պորտուգալացի Կրիշտիանու Ռոնալդուի հեռանալուց հետո եւ առաջիկայում թիմ կգան հրաշալի ֆուտբոլիստներ:
«Մեզ հայտնի է՝ ինչ են սպասում մեր թիմից յուրաքանչյուր մրցաշրջանում: «Ռեալը» միշտ ցանկանում է ավելին: Սա հաղթողների թիմ է: Ունենք գերազանց կազմ, որը կուժեղացնենք հրաշալի ֆուտբոլիստներով»,- ակումբի նախագահի խոսքը մեջբերում է Goal.com-ը:
Այս տրանսֆերային պատուհանի ընթացքում «Ռեալ» են տեղափոխվել «Զարյայի» դարպասապահ Անդրեյ Լունինը, «Ֆլամենգոյի» հարձակվող Վինիսիուս Ժունիորը եւ «Ռեալ Սոսյեդադի» պաշտպան Ալվարո Օդրիոսոլան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։