Մադրիդի «Ռեալի» ֆրանսիացի գլխավոր մարզիչ Զինեդին Զիդանը «Վիլյառեալի» դեմ Իսպանիայի առաջնության վերջին տուրի խաղի համար հայտավորել է 18 ֆուտբոլիստների: Հայտացուցակում են նաեւ հարձակվող Կրիշտիանու Ռոնալդուն եւ պաշտպան Դանիել Կարվախալը:
33-ամյա պորտուգալացի հարձակվողն Իսպանիայի առաջնության 36-րդ տուրում «Սեւիլիայի» դեմ խաղում ստացած վնասվածքից հետո երկու հանդիպում բաց թողեց: Կարվախալը խաղադաշտ դուրս չի եկել ապրիլի 25-ից՝ «Բավարիայի» դեմ Չեմպիոնների լիգայի կիսաեզրափակիչի առաջին խաղում ստացած վնասվածքի պատճառով:
Մայիսի 19-ին կայանալիք 38-րդ տուրի «Վիլյառեալ» - «Ռեալ» հանդիպումը կմեկնարկի Երեւանի ժամանակով 22:45-ին:
Հետևեք NEWS.am SPORT-ին Facebook-ում, Twitter և Telegram-ում