Ծանրամարտի տղամարդկանց օլիմպիական մրցաշարի 77 կգ քաշայինների պայքարն ավարտվեց չինացիների հսկայական առավելությամբ: Սյաոյուն Լուն երկամարտի ոսկե մեդալը նվաճեց աշխարհի ռեկորդով` 379 կգ: Երկրորդ տեղը գրավեց չինացի Հաոյիե Լու` 360 կգ:
Հիշեցնենք, որ այս քաշային կարգում Հայաստանը պետք է ներկայացներ աշխարհի նախկին չեմպիոն Տիգրան Մարտիրոսյանը, որը վնասվածքի պատճառով Օլիմպիական խաղերի մեկնարկից մեկ օր առաջ հրաժարվեց մասնակցությունից: Նկատենք, որ Տիգրան Մարտիրոսյանը 2010-ին Անթալիայում աշխարհի չեմպիոնի տիտղոսը նվաճել է երկամարտի 373 կգ արդյունքով: Լոնդոնում նա կարող էր հավակնել առնվազն արծաթե մեդալի:
1. Սյաոյուն Լու (Չինաստան) - 379 (աշխարհի ռեկորդ) (175 (աշխարհի ռեկորդ)+ 204)
2. Հաոյիե Լու (Չինաստան) - 360 (170+190)
3. Իվան Կամբար Ռոդրիգես (Կուբա) - 349 (155+194)
Հետևեք NEWS.am SPORT-ին Facebook-ում, Twitter և Telegram-ում