ՕԽ-2018․ Կանադայի պարային զույգը ոսկե մեդալ նվաճեց աշխարհի ռեկորդով

Հարավային Կորեայի Փհենչհան քաղաքում շարունակող 23-րդ ձմեռային Օլիմպիական խաղերի գեղասահքի պարային զույգերի պայքարում հաղթեցին կանադացիներ Տեսա Վիրտուն ու Սքոթ Մոյրը։ 

Կարճ եւ ազատ ծրագրերի համագումարում Կանադայի զույգը հավաքեց 206,07 միավոր՝ սահմանելով աշխարհի ռեկորդ։ Երկրորդ տեղը գրավեց Ֆրանսիան ներկայացնող Գաբրիելա Պապադիկիս - Գիյոմ Սիզերոն զույգը, որն աշխարհի ռեկորդ գրանցեց միայն ազատ ծրագրում (123,35 միավոր)։ Բրոնզե մեդալի արժանացավ Մայա Սիբուտանի - Ալեքս Սիբուտանի զույգն ԱՄՆ-ից։

Հիշեցնենք, որ ազատ ծրագրում եւս Տեսա Վիրտուն ու Սքոթ Մոյրը հաղթել էին աշխարհի ռեկորդով։ Սոչի-2014 Օլիմպիական խաղերում նրանք նվաճել էին արծաթե մեդալ։

Փհենչհան-2018, Օլիմպիական խաղեր

Գեղասահք, պարային զույգեր

1․ Տեսա Վիրտու / Սքոթ Մոյր (Կանադա) - 206,07 միավոր

2. Գաբրիելա Պապադիկիս / Գիյոմ Սիզերոն (Ֆրանսիա) - 205,28

3. Մայա Սիբուտանի / Ալեքս Սիբուտանի (ԱՄՆ) - 192,59 

Հետևեք NEWS.am SPORT-ին Facebook-ում, Twitter և Telegram-ում