21:51  AMT,  22 հունվարի, 2018

ԱԱ-2018-ի ժամանակ կկիրառվի կրկնապատկերի մրցավարական համակարգը

Ֆուտբոլի միջազգային ֆեդերացիան (ՖԻՖԱ) որոշել է 2018թ. հունիս-հուլիսին Ռուսաստանում անցկացվելիք աշխարհի առաջնության հանդիպումների ժամանակ կիրառել կրկնապատկերի մրցավարական համակարգը: Այդ մասին հայտարարել է ՖԻՖԱ-ի կոմերցիոն տնօրեն Ֆիլիպ Լե Ֆլոկը Ֆուտբոլային ասոցիացիների միջազգային խորհրդի նիստից հետո: Այս կազմակերպությունն է հաստատում ֆուտբոլի կանոնները:

«Հստակ է, որ համակարգը կկիրառվի: Հրաշալի է ֆուտբոլում ունենալ տեխնոլոգիաներ, որոնք մեծացնում են արդարությունը»,- Լե Ֆլոկի խոսքը մեջբերում է Associated Press-ը:

Ֆուտբոլային ասոցիացիների միջազգային խորհուրդը դեռ 2016թ. մարտին հավանություն էր տվել համակարգի փորձարկմանը պաշտոնական մրցաշարերում: Այն կիրառվեց 2017թ. Կոնֆեդերացիաների գավաթի խաղարկությունում: Այս մրցաշրջանում կրկնապատկերի մրցավարականը համակարգն օգտագործվում է Իտալիայի եւ Գերմանիայի առաջնություններում:

Աշխարհի առաջնությունը կանցկացվի հունիսի 14-ից հուլիսի 15-ը Մոսկվայի, Պետերբուրգի, Սոչիի, Կազանի, Դոնի Ռոստովի, Կալինինգրադի, Վոլգոգրադի, Նիժնի Նովգորոդի, Սամարայի, Սարանսկի եւ Եկատերինբուրգի 12 ստադիոններում:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

Loading...
  • Հարցում
Ո՞ր ակումբի երկրպագուն եք
«Բարսելոնա»
«Ռեալ»
«Մանչեսթեր Յունայթեդ»
«Չելսի»
«Բորուսիա Դորտմունդ»
«Բավարիա»
«Յուվենտուս»
Այլ ակումբ
  • Ֆեյսբուք
  • NEWS.am Sport Exclusive
  • Հարցում
2017թ. Հայաստանի լավագույն մարզիկը
Արթուր Ալեքսանյան
Լեւոն Արոնյան
Մաքսիմ Մանուկյան
Հենրիխ Մխիթարյան
Հովհաննես Բաչկով
  • Վիճակագրություն
  • Արխիվ
Loading...