12:54  ,  31 հուլիսի, 2012

17-ամյա պատանին ձերբակալվել է Twitter-ում բրիտանացի օլիմպիականին վիրավորելու համար

Մեծ Բրիտանիայի ոստիկանությունը ձերբակալել է 17-ամյա մի պատանու Twitter-ում բրիտանացի ջրացատկորդ Թոմ Դեյլիի հասցեին վիրավորական արտահայտություններ անելու համար:

18-ամյա ջրացատկորդը ցանկանում էր մեդալ նվաճել Լոնդոնի Օլիմպիական խաղերում եւ իր հաղթանակը նվիրել հոր հիշատակին:

Թոմ Դեյլին 10 մետր բարձրությունից մրցաձեւում գրավել է չորրորդ տեղը, ինչից հետո հաղորդագրություն էր ստացել 18-ամյա պատանուց. «Դու չարդարացրիր հորդ հույսերը: Հուսով եմ` դու հասկանում ես դա»,- գրել է պատանին:

Հուլիսի 31-ին հաղորդագրության հեղինակը ձերբակալվել է եւ պետք է բացատրություն տա ոստիկանությունում, գրում է The Sun-ը:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով