«Քյոլնի» ու «Ֆրայբուրգի» միջեւ ֆուտբոլի Գերմանիայի առաջնության 15-րդ տուրի խաղն անցել է առատ ձյան ներքո, սակայն դա թիմերին չի խանգարել ցուցադրել գոլառատ ֆուտբոլ: Քյոլնում կայացած խաղում դաշտի տերերը 29-րդ րոպեին հաղթում էին 3:0 հաշվով, սակայն «Ֆրայբուգը» դարձավ ֆանտաստիկ «քամբեքի» հեղինակ՝ կամային հաղթանակ տանելով 4:3 հաշվով: Հյուրերի կազմում հեթ-տրիկի հեղինակ դարձավ գերմանացի հարձակվող Նիլս Պետերսենը, որը գոլերից երկուսը խփեց ավելացված ժամանակում:
«Քյոլնը» դեռ չի հաղթել Գերմանիայի ընթացիկ առաջնությունում եւ 3 միավորով հետնապահն է: «Ֆրայբուրգը» 15 միավորով 16-րդն է:
Հիշեցնենք, որ օրեր առաջ «Քյոլնը» հեռացրել էր 2013-ից թիմը գլխավորող Պետեր Շտեգերին, որը դեկտեմբերի 10-ին նշանակվեց Դորտմունդի «Բորուսիայի» գլխավոր մարզիչ:
Գերմանիայի առաջնություն, 15-րդ տուր
«Քյոլն» - «Ֆրայբուրգ»՝ 3:4
Լուկաս Կլյունտեր, 8, Սեհրու Գիրասի, 16 (11մ), Սալեբ Ստանկո, 29 (ինքնագոլ) – Նիլս Պետերսեն, 39, 90+2, 90+5, Յանիկ Հաբերեր, 65
«Հանովեր» - «Հոֆենհայմ»՝ 2:0
Նիկլաս Ֆուլկրուգ, 59, Մարտին Հարնիկ, 87
Հետևեք NEWS.am SPORT-ին Facebook-ում, Twitter և Telegram-ում