A Սերիայի առաջատար «Ինտերը», Իտալիայի առաջնության 16-րդ տուրում գոլազուրկ ոչ ոքի խաղալով «Յուվենտուսի» հետ, ընդհատել է թուրինյան ակումբի ռեկորդային գոլային շարքը:
Մինչեւ այդ հանդիպումը «Յուվենտուսն» A Սերիայում գոլ էր խփել 44 խաղերում անընդմեջ: Իտալիայի չեմպիոնը նախորդ անգամ գոլի հեղինակ դառնալ չէր կարողացել «Միլանի» դեմ 2016-ի հոկտեմբերի 16-ին կայացած խաղում, որում պարտվել էր նվազագույն հաշվով:
Հիշեցնենք, որ 40 միավոր ունեցող «Ինտերն» առաջատարն է, իսկ «Յուվենտուսը» 38 միավորով հավասարվեց երկրորդ տեղում ընթացող «Նապոլիին», որը մեկ հանդիպում պակաս է անցկացրել:
Հետևեք NEWS.am SPORT-ին Facebook-ում, Twitter և Telegram-ում