Հայկական արմատներով թուրք մրցավար Գարիպ Էրկույումչուին (Գառնիկ Էրկույումչու) մահացած են գտել Լոնդոնի հյուրանոցներից մեկի համարում, տեղեկացնում է «Спорт-Экспресс»-ը:
73-ամյա մրցավարը Լոնդոն էր ժամանել 30-րդ Օլիմպիական խաղերի բռնցքամարտի մրցումները սպասարկելու համար:
Նախնական տվյալների համաձայն՝ Էրկույումչուն մահացել է սրտի կաթվածի հետեւանքով: Նա Սիրողական բռնցքամարտի միջազգային ասոցիացիայի (AIBA) մրցավարական հանձնաժողովի անդամ էր: Լոնդոնի Խաղերում Էրկույումչուն պետք է օգներ ռինգի մրցավարին:
Թուրք մրցավարի մարմինը հայտնաբերել է նրա գործընկերը:
Հետևեք NEWS.am SPORT-ին Facebook-ում, Twitter և Telegram-ում