Ֆուտբոլի Ղազախստանի հավաքականի դարպասապահ Դավիդ Լորիան մեկնաբանել է Հայաստանի թիմի հետ տնային ոչ ոքին աշխարհի առաջնության ընտրական փուլի վերջին տուրի խաղում:
«Ստացվեց հետաքրքիր խաղ: Կցանկանայի շնորհակալություն հայտնել երկրպագուներին, որոնք այս եղանակին եկել էին մեզ աջակցելու: Խաղի արդյունքն արդարացի էր: 2 թիմերն էլ կարող էին հաղթել»,- Qazsport-ի եթերում ասել է Ղազախստանի հավաքականի ավագը:
Հիշեցնենք, որ Աստանայի «Աստանա Արենա» ստադիոնում կայացած խաղն ավարտվել էր 1:1 հաշվով: «Մանչեսթեր Յունայթեդի» կիսապաշտպան Հենրիխ Մխիթարյանի՝ առաջին խաղակեսում խփած գոլին ղազախները պատասխանել էին ընդմիջումից հետո:
Հետևեք NEWS.am SPORT-ին Facebook-ում, Twitter և Telegram-ում