«Լոկոմոտիվը» ձեռք բերեց Սենեգալի հավաքականի հարձակվողին

Դանիական «Կոպենհագենի» եւ Սենեգալի ազգային հավաքականի հարձակվող Դամե Ն՛Դոյեն կարիերան կշարունակի Մոսկվայի «Լոկոմոտիվում»:

«Կոպենհագենի» մարզական տնօրեն Կարստեն Յենսենը շնորհակալություն է հայտնել 27-ամյա սենեգացուն՝ մաղթելով նորանոր հաջողություններ «Լոկոմոտիվի» կազմում, տեղեկացնում է դանիական ակումբի պաշտոնական կայքը:

Ն՛Դոյեն 2009 թվականից էր հանդես գալիս «Կոպենհագենում», որի կազմում անցկացրել է 150 հանդիպում՝ դառնալով 82 գոլի հեղինակ:

Ռուսասկան լրատվամիջոցների համաձայն՝ սենեգալցի հարձակվողին ձեռք բերելու համար «Լոկոմոտիվը» կվճարի յոթ միլիոն եվրո:

Հետևեք NEWS.am SPORT-ին Facebook-ում, Twitter և Telegram-ում