15:46  ,  25 հուլիսի, 2012

Ուսեյն Բոլթը պատրաստ կլինի 100 տոկոսով. Ջամայկայի մարզիչ

Լոնդոնի Օլիմպիական խաղերում ջամայկացի արագավազորդ Ուսեյն Բոլթը պատրաստ կլինի 100 տոկոսով, հայտարարել է աթլետիկայի Ջամայկայի հավաքականի մարզիչ Լոդլոու Ուոտսը:

2008թ. Պեկինի Օլիմպիական խաղերի եռակի չեմպիոն, աշխարհի ռեկորդակիր ու հնգակի չեմպիոն Ուսեյն Բոլթը բաց է թողել հուլիսի 24-ին Բիրմինգեմում կայացած մարզում, սակայն թիմի մարզիչը չի կասկածում ջամայկացու հաղթանակին:

«Երբեմն նախապատրաստական փուլի ընթացքում թերությունն են լինում, բայց ես վստահ եմ, որ Ուսեյնի մոտ ամեն ինչ կարգին է: Մարզմումները հիանալի են անցնում եւ օգոստոսի 3-ին մենք կտեսնենք իսկական Ուսեյն Բոլթին: Այս պահին նա խնդիրներ չունի: Վստահ եմ՝ Օլիմպիական խաղերում նա լավագույնը կլինի»,- մարզիչի խոսքը փոխանցում է Sky Sports-ը:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով