Մակեդոնական «Վարդարը» Հայաստանի հավաքականի ֆուտբոլիստներ Հովհաննես Համբարձումյանի ու Տիգրան Բարսեղյանի հետ չկարողացավ հաղթահարել Չեմպիոնների լիգայի որակավորման երրորդ փուլի արգելքը: Պատասխան խաղում Մակեդոնիայի չեմպիոնը հյուրընկալվելիս 1:4 հաշվով պարտվեց դանիական «Կոպենհագենին», որին տանը հաղթել էր նվազագույն հաշվով:
Կոպենհագենի «Պարկեն» ստադիոնում կայացած խաղում դաշտի տերերը խփեցին արագ գոլ, սակայն 19-րդ րոպեին «Վարդարի» մակեդոնացի կիսապաշտպան Բոբան Նիկոլովը Հովհաննես Համբարձումյանի փոխանցումից հետո հավասարեցրեց հաշիվը: 26-րդ րոպեին Տիգրան Բարսեղյանն անկյունային հարվածի խաղարկման ժամանակ դարձավ ինքնագոլի հեղինակ եւ դարձյալ առաջ մղեց «Կոպենհագենին»: 71-րդ րոպեին դանիական ակումբը մնաց 10 խաղացողներով, սակայն դա դաշտի տերերին չխանգարեց խփել եւս 2 գոլ եւ դուրս գալ հաջորդ փուլ:
Հովհաննես Համբարձումյանը փոխարինվեց 76-րդ րոպեին, իսկ Տիգրան Բարսեղյանն անցկացրեց ամբողջ հանդիպումը:
Չեմպիոնների լիգայի որակավորման չորրորդ փուլի զույգերը կորոշվեն վիճակահանությամբ, որը կկայանա օգոստոսի 4-ին: Չորրորդ փուլի առաջին խաղերը կանցկացվեն օգոստոսի 15/16-ին, իսկ պատասխան հանդիպումները՝ մեկ շաբաթ անց:
Չեմպիոնների լիգա, որակավորման երրորդ փուլ, պատասխան խաղ
«Կոպենհագեն» (Դանիա) - «Վարդար» (Մակեդոնիա)՝ 4:1 (առաջին խաղ՝ 0:1)
Յան Գրեգուս, 2, Տիգրան Բարսեղյան, 26 (ինքնագոլ), Ֆեդերիկո Սանտանդեր, 75, Պիերոս Սոտիրիու, 88 (11մ) – Բոբան Նիկոլով, 19
Հեռացում՝ Յան Գրեգուս, 72 («Կոպենհագեն»)
Հետևեք NEWS.am SPORT-ին Facebook-ում, Twitter և Telegram-ում