Թբիլիսիում անցկացված ավանդական ուշուի Եվրոպայի մեծահասակների, երիտասարդների (մինչեւ 18 տարեկաններ) եւ պատանիների (մինչեւ 16 տարեկաններ) առաջնությունում Հայաստանի մարզիկերը նվաճել են 10 մեդալ: Մրցաշարին մասնակցել են 820 մարզիկներ 28 երկրներից: Հայաստանի թիմը ներկայացել է 16 մարզիկներով, որոնք մրցել են ցինդա, տաոլու (շարժողական վարժությունների համալիր) եւ վին-չուն ձեւերում:
Մեծահասակների մրցաշարում Սվետլանա Մոսոյանն արժանացել է տաոլուի Եվրոպայի չեմպիոնի տիտղոսին, իսկ Արմեն Համբարձումյանը նույն մրցաձեւում դարձել է փոխչեմպիոն: Եվրոպայի փոխչեմպիոն է հռրակվել նաեւ վին-չուն ձեւում հանդես եկած Կարո Կարապետյանը, իսկ Սայաթ Բաղդասարյանը շարժողական վարժությունների համալիր վարժությունում արժանացել է բրոնզե մեդալի: Ցինդայում չեմպիոնի տիտղոսին է արժանացել Հայկ Գասպարյանը:
Երիտասարդների մրցաշարում Վարդան Սարգսյանը նվաճել է ցինդայի Եվրոպայի չեմպիոնի կոչումը, իսկ Ռեբեկա Բալասանյանը եւ Դավիթ Դանիելյանը դարձել են համապատասխանաբար արծաթե եւ բրոնզե մեդալակիրներ:
Պատանիների պայքարում Արսեն Բաղրյանը ցինդա ձեւում նվաճել է ոսկե մեդալ, իսկ Արթուր Ուդումյանը՝ բրոնզե:
Հայ ուշուիստները պատրաստվում են օգոստոսին կայանալիք Ունիվերսիադային (2 մարզիկ) եւ աշնանը նախատեսված աշխարհի առաջնությանը (8 մարզիկ), հայտնում են Սպորտի եւ երիտասարդության հարցերի նախարարությունից:
Հետևեք NEWS.am SPORT-ին Facebook-ում, Twitter և Telegram-ում
09:04 , 26 ապրիլի 
01:10 , 26 ապրիլի 
00:57 , 26 ապրիլի 
00:32 , 26 ապրիլի 
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
