13:10  ,  27 ապրիլի, 2017

Պրեմյեր լիգայի ֆուտբոլիստը 1.5 տարով որակազրկվել է խաղադրույքներ կատարելու համար

Անգլիական «Բարնլիի» կիսապաշտպան Ջոի Բարտոնը 18 ամսով զրկվել է ֆուտբոլային գործունեությամբ զբաղվելու իրավունքից:

Անգլիայի ֆուտբոլային ասոցիացիան (FA) 34-ամյա անգլիացուն որակազրկել է այն բանից հետո, երբ նա խոստովանել է, որ խաղադրույքներ է կատարել ֆուտբոլային խաղերի վրա, փոխանցում է FA-ի կայքը:

Ավելի վաղ նշվում էր, որ 2006-2016-ը Բարտոնը կատարել է 1260 խաղադրույք՝ խախտելով FA-ի կանոնակարգը: Նա նաեւ տուգանվել է 30 հազար ֆունտ ստերլինգ:

Ջոի Բարտոնը 2016-ին մեկ խաղով որակազրկվել էր խաղադրույք կատարելու համար: 

Հետևեք NEWS.am SPORT-ին Facebook-ում, Twitter և Telegram-ում