«Հյուսթոնը» դուրս թողեց «Օկլահոմային» եւ նվաճեց Բասկետբոլի ազգային ասոցիացիայի (NBA) քառորդ եզրափակիչի ուղեգիր: 1/8 եզրափակիչի 5-րդ խաղում «Հյուսթոնը» տնային հաղթանակ տարավ 105:99 հաշվով՝ շարքի հաշիվը դարձնելով 4:1:
Խաղի ամենաարդյունավետ բասկետբոլիստ է ճանաչվել «Օկլահոմայի» առաջատար Ռասել Ուեստբրուկը, որը հավաքել է 47 միավոր: «Հյուսթոնի» կազմում ամենաարդյունավետը Ջեյմս Հարդենն էր՝ 34 միավոր:
Խաղային օրվանից հետո NBA-ի պաշտոնական ալիքը ներկայացրել է լավագույն դրվագների հնգյակը, որը գլխավորում է «Հյուսթոնի» խաղացող Էրիկ Գորդոնի մասնակցությամբ դրվագը:
Հիշեցնենք, որ ավելի վաղ 1/8 եզրափակիչի արգելքը հաղթահարել էին նաեւ NBA-ի գործող չեմպիոն «Քլիվլենդը» եւ փոխչեմպիոն «Գոլդեն Սթեյտը»:
NBA, փլեյ-օֆֆ
«Հյուսթոն» – «Օկլահոմա»՝ 105:99 (16:22, 35:22, 21:33, 33:22)
Շարքի հաշիվը՝ 4:1
«Սան Անտոնիո» – «Մեմֆիս»՝ 116:103 (23:23, 32:26, 32:27, 29:27)
Շարքի հաշիվը՝ 3:2
«Կլիպերս» – «Յուտա»՝ 92:96 (21:19, 22:27, 15:18, 34:32)
Շարքի հաշիվը՝ 2:3
Հետևեք NEWS.am SPORT-ին Facebook-ում, Twitter և Telegram-ում