Արթուր Դավթյանը բազմամարտի եզրափակիչում ում զբաղեցրեց 6-րդ տեղը եւ ես շատ գոհ եմ նրանից:
Այս մասին NEWS.am Sport-ի թղթակցի հետ զրույցում Ռումինիայից ասաց սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը, ում ղեկավարությամբ Հայաստանի թիմը մասնակցում է Եվրոպայի առաջնությանը:
Հիշեցնենք, որ արդեն կայացել է Եվրոպայի առաջնության որակավորման փուլը, որը Հայաստանի թիմից հաղթահարել էին 4 մարմնամարզիկներ՝ Արթուր Դավթյանը (բազմամարտ, հենացատկ), Հարություն Մերդինյանը (նժույգ), Վահագն Դավթյանն ու Արթուր Թովմասյանը (օղակներ):
Ապրիլի 21-ին կայացել է բազմամարտի երզափակիչը, որտեղ Արթուր Դավթյանը ցույց է տվել 6-րդ արդյունք:
«Արթուրը շատ լավ հանդես եկավ: Բազմամարտում նա ավելին չէր կարող: Ես նրանից շատ գոհ եմ: Հավաքեց 82.864 միավոր»,- ասաց Հակոբ Սերոբյանը:
85.866 միավորով Եվրոպայի չեմպիոն է դարձել ուկրաինացի Օլեգ Վերնյաեւը, Եվրոպայի փոխչեմպիոն՝ Ռուսաստանի ներկայացուցիչ Արթուր Դալալոյանը՝ 85.498 միավոր, երրորդ տեղը զբաղեցրել է բրիտանացի Ջեյմս Հոլը՝ 84.664 միավոր:
Ապրիլի 22-ին մրցահարթակ դուրս կգան Հարություն Մերդինյանը, Վահագն Դավթյանն ու Արթուր Թովմասյանը:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
23:47 , 8 մայիսի 
22:41 , 8 մայիսի 
21:56 , 8 մայիսի 
21:15 , 8 մայիսի 
20:51 , 8 մայիսի 
20:10 , 8 մայիսի 
19:47 , 8 մայիսի 
19:17 , 8 մայիսի 
18:41 , 8 մայիսի 
18:21 , 8 մայիսի 
