Գարի Նեւիլ. Մոուրինյոն Հենրիխ Մխիթարյանի օգնությամբ փոխեց խաղը

«Մանչեսթեր Յունայթեդի» եւ Անգլիայի հավաքականի նախկին պաշտպան Գարի Նեւիլն անդրադարձել է Հենրիխ Մխիթարյանին, որը «Լեսթերի» դեմ Անգլիայի առաջնության 24-րդ տուրի խաղում դարձել էր գոլի ու գոլային փոխանցման հեղինակ:

«Մանչեսթեր Յունայթեդը» խաղը սկսեց 4-4-2 տակտիկական սխեմայով, որը նրանց մոտ չէր ստացվում: Հետո Ժոզե Մոուրինյոն փոխեց Հենրիխ Մխիթարյանի խաղային դիրքը՝ փոխելով նաեւ խաղը: Ենթահարձակվողի դիրքում Հենրիխը դարձավ հանդիպման լավագույն խաղացողը, իսկ նրա գոլն ամենակարեւորն էր»,- ասել է Sky Sports-ում ֆուտբոլային փորձագետ աշխատող Նեւիլը:

Հիշեցնենք, որ «Մանչեսթեր Յունայթեդն» Անգլիայի գործող չեմպիոն «Լեսթերին» հաղթել էր 3:0 հաշվով, իսկ Հենրիխ Մխիթարյանը մեկնարկային կազմում խաղացել էր առանց փոխարինման:

Հետևեք NEWS.am SPORT-ին Facebook-ում, Twitter և Telegram-ում