«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը երկրորդ գոլային փոխանցումով աչքի ընկավ «Վեստ Հեմի» դեմ Անգլիական լիգայի գավաթի խաղարկության քառորդ եզրափակիչի խաղում: Նրա սուր փոխանցումից հետո հաշիվը 2:1 դարձրեց ֆրանսիացի Անտոնի Մարտիալը: Ընթանում է երկրորդ խաղակեսը:
Հիշեցնենք, որ արդեն երկրորդ րոպեին Մխիթարյանի կրնկով կատարած փոխանցումից հետո շվեդ հարձակվող Զլատան Իբրահիմովիչը բացել էր հաշիվը: 35-րդ րոպեին հյուրերը վերականգնել էին հավասարությունը անգլիացի կիսապաշտպան Էշլի Ֆլեթչերի գոլի շնորհիվ:
Հետևեք NEWS.am SPORT-ին Facebook-ում, Twitter և Telegram-ում