11:26  ,  29 հունիսի, 2012

ԱՄՆ-ի հավաքականի առաջատարը չի մասնակցի Օլիմպիական խաղերին

NBA-ի նորընծա չեմպիոն «Մայամիի» եւ բասկետբոլի ԱՄՆ-ի հավաքականի առաջատար պաշտպան Դուեյն Ուեյդը ծնկի վնասվածքի հետեւանքով չի մասնակցի հուլիսի 27-ին մեկնարկող Լոնդոնի Օլիմպիական խաղերին:

30-ամյա բասկետբոլիստն առաջիկայում կենթարկվի ծնկի վիրահատության:

NBA-ի ավարտված առաջնության վերջնամասում վնասվածքը խանգարում էր Ուեյդին, սակայն նա մասնակցեց «Մայամիի» բոլոր խաղերին:

Ամերիկացի բասկետբոլիստը կապաքինվի մինչեւ NBA-ի նոր առաջնության մեկնարկը, հաղորդում է NBA-ի պաշտոնական կայքը:  

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով