Բոսնիա - Հերցեգովինայի մայրաքաղաք Սարաեւոյում շարունակվում է օգոստոսի 25-ին մեկնարկած ըմբշամարտի աշխարհի պատանեկան առաջնությունը: Օգոստոսի 29-ին մրցագորգ դուրս կգան ազատ ոճային ըմբիշները: Հայաստանը կներկայացնի 6 ըմբիշ:
Ըմբշամարտի աշխարհի պատանեկան առաջնության պաշտոնական պաստառին պատկերված է հունահռոմեական ոճի ըմբշամարտի Հայաստանի հավաքականի 66կգ քաշային կարգի ըմբիշ, Եվրոպական խաղերի փոխչեմպիոն Միհրան Հարությունյանի լուսանկարը, որն արվել էր Բաքու-2015-ի՝ Հասան Ալիեւի հետ կիսաեզրափակիչ գոտեմարտի ժամանակ:
Հիշեցնենք, որ մրցումային առաջին օրը հունահռոմեական ոճի ըմբիշներ, 54 կգ քաշային Տիգրան Մինասյանին, 58 կգ քաշային Էդգար Թամազյանին եւ 63 կգ քաշային Մալխաս Ամոյանին հաջողվել էր նվաճել աշխարհի առաջնության բրոնզե մեդալ:
Շուշանիկ Հակոբյան
Հետևեք NEWS.am SPORT-ին Facebook-ում, Twitter և Telegram-ում