Բռնցքամարտի համաշխարհային ասոցիացիան (WBA) պաշտոնապես հավանություն է տվել որակազրկված բռնցքամարտիկներ Դերեկ Չիսորայի եւ Դեւիդ Հեյի մենամարտին, որը նախատեսված է հուլիսի 14-ին Լոնդոնում։
Բռնցքամարտի վերահսկողության բրիտանական կոմիտեն որակազրկել է այս ծանր քաշային բռնցքամարտիկներին եւ արգելք դրել մենամարտի անցկացման վրա։ Սակայն մենամարտի կազմակերպիչներին օգնության հասավ Լյուքսեմբուրգի բռնցքամարտի ֆեդերացիան, որը արտոնագիր տվեց բռնցքամարտիկներին։
Լոնդոնի «Աստոն Պարկ» ստադիոնում կայանալիք մենամարտի անցկացումն արգելել էր նաեւ Բռնցքամարտի համաշխարհային խորհուրդը (WBC)՝ սպառնալով պատժամիջոցներ կիրառել մենամարտի հետ առնչություն ունեցող բոլոր անձանց դեմ։
Չիսորայի եւ Հեյի որակազրկման պատճառն էր փետրվարին Մյունխենում կայացած Չիսորա – Վիտալի Կլիչկո մենամարտից առաջ եւ հետո բրիտանացիների խայտառակ վարքը։
Հետևեք NEWS.am SPORT-ին Facebook-ում, Twitter և Telegram-ում
13:36 , 28 օգոստոսի 
13:11 , 28 օգոստոսի 
12:44 , 28 օգոստոսի 
12:10 , 28 օգոստոսի 
11:33 , 28 օգոստոսի 
11:07 , 28 օգոստոսի 
10:47 , 28 օգոստոսի 
10:37 , 28 օգոստոսի 
09:04 , 28 օգոստոսի 
01:02 , 28 օգոստոսի 
