Ես իմ ելույթից շատ դժգոհ եմ: Չգիտեմ՝ ինչու չստացվեց: Հոգեբանական ճնշում չկար: Մեզ շատ լավ ընդունեցին: Ուղղակի չգիտեմ՝ ինչու ես շատ վատ հանդես եկա եւ դուրս մնացի մեդալի համար պայքարից:
Այս մասին լրագրողների հետ ճեպազրույցում ասաց Եվրոպական խաղերում հունահռոմեական ըմբշամարտի մրցաշարում հանդես եկած Հայաստանի ներկայացուցիչ Կարապետ Չալյանը:
«Այնտեղ ամեն ինչ նորմալ էր: Հոգեբանական ճնշում չկար: Ես շատ լավ պատրաստված էի, մեծ ցանկություն ունեի մեդալ նվաճել, բայց չստացվեց: Շատ վատ հանդես եկա, շատ դժգոհ եմ ինձանից»,- ասաց Կարապետ Չալյանը:
75 կգ քաշային ըմբիշը պարտվել էր մեկնարկային գոտեմարտում:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում