Օլիմպիադա-2014. Հայաստան - Իսպանիա՝ 2.5:1.5

41-րդ համաշխարհային շախմատային օլիմպիադայի վերջին տուրում կանանց Հայաստանի հավաքականը 2.5:1.5 հաշվով առավելության հասավ իսպանացիների նկատմամբ: Հաղթանակ տարան Էլինա Դանիելյանն ու Մարիա Կուրսովա, Լիլիթ Մկրտչյանը պարտիան ավարտեց ոչ ոքի, իսկ Լիլիթ Գալոյանը պարտություն կրեց:

Հայաստանի հավաքականն Օլիմպիադան ավարտեց 17 միավորով եւ չմտավ մրցանակային եռյակ: Վերջնական հաշվարկը տեղի կունենա առաջիկա ժամվա ընթացքում:

Երրորդ անգամ անընդմեջ Օլիմպիադայի չեմպիոնի տիտղոսը նվաճեց կանանց Ռուսաստանի թիմը, որը վերջին տուրում 2.5:1.5 հաշվով հաղթեց բուլղարացիներին եւ վաստակեց 20 միավոր: Չինաստանի եւ Ուկրաինայի հավաքականները խաղացին 2:2 հաշվով եւ վաստակեցին 18 միավոր: Նույնքան միավոր ունի նաեւ Վրաստանը, որը 4:0 հաշվով հաղթեց Գերմանիայի թիմին:

Համաշխարհային օլիմպիադա, 11-րդ տուր

Հայաստան - Իսպանիա՝ 2.5:1.5

Էլինա Դանիելյան (2490) - Սաբրինա Վեգա Գուտյերես (2395)՝ 1:0

Օլգա Ալեքսանդրովա (2424) - Լիլիթ Մկրտչյան (2453)՝ 0.5:0.5 

Լիլիթ Գալոյան (2275) - Անա Մաթնաձե (2385)՝ 0:1

Մուրիլո Արանազ (2314) - Մարիա Կուրսովա (2313)՝ 0:1

Հետևեք NEWS.am SPORT-ին Facebook-ում, Twitter և Telegram-ում