Նորվեգիայի Տրոմսյո քաղաքում շարունակվող 41-րդ համաշխարհային շախմատային օլիմպիադայի 9-րդ տուրում Գաբրիել Սարգսյանը կես միավոր բերեց Հայաստանի հավաքականին։ Նա սեւերով 50-րդ քայլում ոչ ոքի խաղաց սերբ Միլոշ Պերունովիչի հետ։
Մինչ այդ Իվան Իվանիշեւիչի հետ խաղաղությամբ էր բաժանվել նաեւ ՖԻԴԵ-ի երկրորդ համար Լեւոն Արոնյանը։ Շարունակվում են Սերգեյ Մովսեսյան - Նիկոլա Սեդլակ եւ Ալեքսանդր Ինջիչ - Վլադիմիր Հակոբյան պարտիաները։
Հիշեցնենք, որ 9-րդ տուրից առաջ Հայաստանի հավաքականն ուներ 12 միավոր։
Հետևեք NEWS.am SPORT-ին Facebook-ում, Twitter և Telegram-ում