«Ուֆայի» պաշտպան Դենիս Թումասյանը «Чемпионат»-ի վարկածով ընդգրկվել է ռուսական Պրեմիեր լիգայի երկրորդ տուրի խորհրդանշական հավաքականում:
«Ուֆան» հուսալի գործեց պաշտպանությունում՝ «Ամկարին» թույլ չտալով վերահսկել խաղը: Փորձառու Թումասյանը «Ուֆայի» պաշտպանության կարեւորագույն օղակն է, ինչը նա ապացուցեց այդ խաղում: Նա հաղթեց գրեթե բոլոր օդային մենապայքարները եւ փակեց Բլագոյի վտանգավոր հարվածը»,- Թումասյանի մասին գրում է կայքը:
Հիշեցնենք, որ «Ուֆան» Պերմում նվազագույն հաշվով հաղթել էր «Ամկարին», իսկ Դենիս Թումասյանը խաղացել էր առանց փոխարինման:
Հետևեք NEWS.am SPORT-ին Facebook-ում, Twitter և Telegram-ում