16:33  ,  16 փետրվարի, 2014

Սոչի-2014. ՄՕԿ-ն արգելել է մարզիկներին հանձնել Չելյաբինսկի երկնաքարով մեդալներ

Միջազգային օլիմպիական կոմիտեի (ՄՕԿ) գործադիր տնօրեն Մարկ Ֆելին բացատրել է, թե ինչու է ՄՕԿ-ը Չելյաբինսկի շրջանի ղեկավարներին արգելել փետրվարի 15-ին Սոչիի 22-րդ ձմեռային օլիմպիական խաղերում չեմպիոն հռչակված մարզիկներին հանձնել հատուկ մեդալներ՝ 2013-ի փետրվարի 15-ին Ուրալում ընկած երկնաքարի կտորներով:

«Գիտենք, որ այդ շրջանի բնակչությունը ցանկանում էր լրացուցիչ նվեր մատուցել փետրվարի 15-ին մեդալ նվաճած մարզիկներին: Մենք որոշեցինք, որ իմաստ չունի անել դա Օլիմպիական խաղերի ժամանակ: Մարզիկները կստանան միայն Օլիմպիական կոմիտեի մեդալները: Պարգեւատրման արարողության ժամանակ լրացուցիչ նվերներ չեն լինի»,- Մարկ Ֆելիի խոսքը մեջբերում է «Голос Америки»-ն:

Հետևեք NEWS.am SPORT-ին Facebook-ում, Twitter և Telegram-ում