Սոչի-2014. Ամերիկացի հոկեյիստները բուլիտներով հաղթեցին ռուսներին

Սոչիում անցկացվող 22-րդ ձմեռային օլիմպիական խաղերի տափօղակով հոկեյի տղամարդկանց մրցաշարի երկրորդ տուրում ամերիկացիները բուլիտներով առավելության հասան Ռուսաստանի հավաքականի նկատմամբ՝ միանձնյա գլխավորելով A խումբը:

Խաղի հիմնական ժամանակն ավարտվեց 2:2 հաշվով, իսկ լրացուցիչ ժամանակում դարպասի գրավումներ չարձանագրվեցին: Հիմնական ժամանակի վերջնամասում տեղի ունեցավ սկանդալային դրվագ, երբ ամերիկացի մրցավարները չհաշվեցին ռուսների խփած գոլը:

Խմբի մյուս խաղում Սլովակիայի հավաքականն անակնկալ պարտություն էր կրել սլովենացիներից՝ 3:1:

Խմբային փուլի վերջին տուրից առաջ ամերիկացիներն ունեն 5 միավոր, ռուսները՝ 4, սլովենացիները՝ 3, իսկ սլովակները միավոր չեն վաստակել: Երրորդ տուրում ռուսները կհանդիպեն Սլովակիայի հավաքականին, իսկ ամերիկացիներն ուժերը կչափեն Սլովենիայի թիմի հետ:

Հետևեք NEWS.am SPORT-ին Facebook-ում, Twitter և Telegram-ում