20:07  ,  16 հունվարի, 2014

Սոչի-2014. Հայ օլիմպիականների վերջնական կազմը՝ հունվարի 21-ին

Սոչիում կայանալիք 2014թ. ձմեռային Օլիմպիական խաղերի հայ օլիմպիականների վերջնական կազմը հայտնի կդառնա հունվարի 21-ին, փոխանցում է ՀԱՕԿ-ի կայքը։

Հայաստանի հակադոպինգային կազմակերպությունը ստուգման է ենթարկել հավանական օլիմպիականների բոլոր 5 թեկնածուներին։ Հունվարի 16-ին վերցված նմուշներն ուղարկվել են Ավստրիայում գտնվող լաբորոտորիա։ Արդյունքների պատասխանը հայտնի կդառնա 10 օրից։

Համաշխարհային հակադոպինգային գործակալությունը (WADA) հրապարակել է 2013-ին ամենաշատ որակազրկված մարզիկներ ունեցող երկրների ցուցակը։ Առաջին տեղում է ԱՄՆ-ն (63), երկրորդն է Հնդկաստանը (61), Իտալիան եւ Ռուսաստանը կիսում են երրորդից չորրորդ տեղերը (54-ական)։ Հնգյակը եզրափակում է Ֆրանսիան (16)։ Վերջին 10 տարվա ընթացքում որակզրկվել են 24 հայ մարզիկներ։

Հետևեք NEWS.am SPORT-ին Facebook-ում, Twitter և Telegram-ում