Շախմատի աշխարհի նորընծա չեմպիոն Մագնուս Կարլսենը կարող է գլխավոր դեր խաղալ ամերիկյան ֆիլմում: 1972-1975թթ. աշխարհի չեմպիոն Ռոբերտ Ֆիշերի կենսագրական ֆիլմում Կարլսենն այժմ գլխավոր դերակատարի վեց թեկնածուներից մեկն է, գրում է New York Post-ը: Ֆիշերի նոր կենսագրական գրքի հեղինակ Ֆրենկ Բրեյդին կարծում է, որ դերը պետք է վստահել հենց 23-ամյա նորվեգացի Կարլսենին:
AlbertineProductions կինոընկերությունն արդեն գնել է Բրեյդիի «Վերջին պարտիան» գիրքը էկրանավորելու իրավունքը: Զուգահեռաբար կնկարահանվի նաեւ Ֆիշերին նվիրված «Զինվորի զոհը» ֆիլմը: Ֆիշերի դերը կկատարի Թոբի Մագուայրը:
Հետևեք NEWS.am SPORT-ին Facebook-ում, Twitter և Telegram-ում