Ամերիկյան «Մինեսոտայի» առաջատար բասկետբոլիստ Քեւին Լավը վնասվածք է ստացել NBA-ի կանոնավո առաջնության շրջանակում կայացած «Դենվերի» հետ խաղում, հայտնում է ESPN-ը։
Դրվագներից մեկում «Դենվերի» պաշտպան Ջավիլի Մակգին արմունկով հարվածել է Լավին։ 23-ամյա բասկետբոլիստը ստացել է ուղեղի ցնցում, իսկ Մակգին հեռացվել է խաղահրապարակից։
Այս պահին ամերիկացի կենտրոնականը գտնվում է հիվանդանոցում, որտեղից դուրս կգրվի ապրիլի 13-ին։
Հիշեցնենք, որ «Մինեսոտան» արդեն զրկվել է փլեյ-օֆֆի ուղեգիր ձեռք բերելու հնարավորությունից։ NBA-ի ընթացիկ առաջնությունում Քեւին Լավի միջին արդյունավետությունը 26.5 միավոր է։
Հետևեք NEWS.am SPORT-ին Facebook-ում, Twitter և Telegram-ում