Աշխարհի նորընծա չեմպիոն Կարեն Ալսանյանի պարգեւատրումը Աստանայում (տեսանյութ)

Ղազախստանի մայրաքաղաք Աստանայում տեղի ունեցավ աշխարհի նորընծա չեմպիոն Կարեն Ասլանյանի պարգեւատրումը:

31-ամյա Ասլանյանը պարգեւատրվեց աշխարհի առաջնության ոսկե մեդալով եւ չեմպիոնական գոտիով: Կարեն Ասլանյանի պատվին Աստանայի «Բարիս Արենայում» հնչեց Հայաստանի հիմնը:

Այս քաշային կարգում փոխչեմպիոն դարձավ ադրբեջանցի Նիհադ Մամադլին, բրոնզե մեդալակիրներ՝ Սերգեյ Ելմենին (Ռուսաստան), Օզոդբեկ Խալիմբոեւ:

Հիշեցնենք, որ աշխարհի բրոնզե մեդալակիր, Եվրոպայի փոխչեմպիոն Կարեն Ասլանյանը ադրբեջանցու նկատմամբ տպավորիչ հաղթանակով նվաճեց աշխարհի չեմպիոնի տիտղոսը: 60 կգ քաշայինների եզրափակիչում Ասլանյանը գոտեմարտեց 2024 թ. աշխարհի չեմպիոն, Եվրոպայի կրկնակի չեմպիոն, ադրբեջանցի Նիհադ Զիհադ Մամադլիի հետ եւ հաղթեց 8:4 հաշվով:

Հետևեք NEWS.am SPORT-ին Facebook-ում, Twitter և Telegram-ում