«Նոան» խոշոր հաշվով հաղթեց «Սարդարապատին»՝ 1:5 (տեսանյութ)

Ֆուտբոլի Հայաստանի Պրեմիեր լիգայի առաջնության 9-րդ տուրում փոխչեմպիոն «Նոան» հյուրընկալվեց
«Սարդարապատին» եւ հաղթեց 1:5 հաշվով։

13-րդ րոպեին հանդիպման հաշիվը բացեց «Նոայի» 30-ամյա իսպանացի հարձակվող Մարիո Գոնսալեսը։

44-րդ րոպեին հաշիվը կրկնապատկեց պորտուգալացի պաշտպան Դավիդ Սուալեհե:

1 րոպե անց ռումինացի կիսապաշտպան Վալենտին Կոստակեն երրորդ գնդակն ուղարկեց «Սարդարապատի» դարպասը։

Երկրորդ խաղակեսում աչքի ընկան խորվաթ հարձակվող Մարին Յակոլիշը եւ 22-ամյա սերբ հարձակվող Մարկո Լազետիչը։

Ավելացված ժամանակում «Սարդարապատի» կազմում 11 մետրանոց հարվածը դիպուկ իրացրեց Լեւոն Պետրոսյանը։

«Նոան» 27 միավորով գլխավորում է մրցաշարային աղուսակը, «Սարդարապատը» 5-րդն է՝ 12 միավոր։

Հայաստանի առաջնություն, 9-րդ տուր

«Սարդարապատ» - «Նոա»՝ 1:5

Լեւոն Պետրոսյան, 11 մ, 90+4 - Մարիո Գոնսալես, 13, Դավիդ Սուալեհե, 44, Վալենտին Կոստակե, 45, Մարին Յակոլիշ, 76, Մարկո Լազետիչ, 83

Հետևեք NEWS.am SPORT-ին Facebook-ում, Twitter և Telegram-ում