Ազգերի լիգա․ Հայաստանի թիմը պարտվեց Չեռնոգորիային (ֆոտո, վիդեո)

Ֆուտբոլի Հայաստանի ազգային հավաքականն Ազգերի լիգայի C2 խմբի երկրորդ տուրի խաղում ընդունեց Չեռնոգորիայի թիմին։ Եղիշե Մելիքյանի գլխավորած թիմը պարտվեց 2:3 հաշվով։

Երեւանի Վազգեն Սարգսյան անվան «Հանրապետական» ստադիոնում տեղի ունեցած հանդիպման առաջին խաղակեսում 2:1 հաշվով հաղթեցին հյուրերը։

20-րդ րոպեին Չեռնոգորիայի հավաքականի գրոհն ավարտվեց գոլով։ Մրցակցի հետ պայքարում ընկնելիս «Ուրարտուի» պաշտպան Էրիկ Փիլոյանի մեջքից գնդակը հայտնվեց դարպասում (տեսանյութ)։

34-րդ րոպեին հավասարությունը վերականգնեց Հայաստանի չեմպիոն «Արարատ-Արմենիայի» հարձակվող Արթուր Սերոբյանը (տեսանյութ)։

38-րդ րոպեին Չեռնոգորիայի թիմի երկրորդ գոլը խփեց իտալական «Ատալանտայի» հարձակվող Նիկոլա Կրստովիչը (տեսանյութ)։

65-րդ րոպեին գերազանց հարվածով մրցակցի դարպասը գրավեց սաուդյան «Ալ Ահլիի» կիսապաշտպան Էդուարդ Սպերցյանը՝ հավասարեցնելով հաշիվը (տեսանյութ)։

89-րդ րոպեին Չեռնոգորիայի հաղթական գոլը խփեց խորվաթական «Վարազդինի» կիսապաշտպան Ալեքսա Լատկովիչը (տեսանյութ)։

C2 խմբի երկրորդ տուրի մյուս խաղում Լատվիայի եւ Կիպրոսի հավաքականները Ռիգայում խաղացին ոչ ոքի՝ 0:0:

Հոկտեմբերի 2-ին Հայաստանի թիմը երրորդ տուրում կհյուրընկալվի Կիպրոսի թիմին։

Լուսանկարները՝ Էմմա Ասատրյանի

Հետևեք NEWS.am SPORT-ին Facebook-ում, Twitter և Telegram-ում