Նախորդ խաղում չեխերին պարտվել էինք, այս խաղում ցանկանում ենք ռեւանշի հասնել: Ամեն ինչով պատրաստ ենք, որ հաղթենք: Կուզեի վաղը երկրպագուներին տեսնել մարզադաշտում, որպեսզի միասին հաղթանակի հասնենք եւ ուրախանանք:
Այս մասին լրագրողների հետ հանդիպմանն ասաց ֆուտբոլի Հայաստանի չեմպիոն «Արարատ-Արմենիայի» ավագ, կիսապաշտպան Արմեն Համբարձումյանը:
Ֆուտբոլի Եվրոպայի լիգայի հիմնական փուլի առաջին տուրում Հայաստանի չեմպիոնը կընդունի չեխական «Սպարտա Պրահային»։
«Մեր թիմը մտածում է միայն հաղթելու մասին: Ամեն ինչով պատրաստ ենք, որ հաղթենք: Նախորդ խաղում չեխերին պարտվել էինք, այս խաղում ցանկանում ենք ռեւանշի հասնել: Տնային խաղերում մեր գլխավոր հաղթաթուղթը երկրպագուներն են: Միայն թիմը չի հաղթում, հաղթում են երկրպագուները, բոլորս միասին ենք վայելում հաղթանակները: Մեր հաղթաթուղթը նաեւ թիմային խաղն է: Մենք երկրպագուների հետ մեզ մեծ ընտանիք ենք զգում: Կուզեի վաղը երկրպագուներին տեսնել մարզադաշտում, որպեսզի միասին հաղթանակի հասնենք եւ ուրախանանք:
Հասել ենք հիմնական փուլ, որը մեր ազգի համար մեծ հաջողություն է: Չեմ կարող ասել, թե ինչ ապրումներ ունեցա, երբ հնչեց խաղի ավարտը հայտարարող սուլիչը եւ մենք դուրս եկանք հիմնական փուլ: Այդ պահին վերհիշեցի ամբողջ մեր անցած ճանապարհը, հաջողություններն, անհաջողությունները եւ ինչպես ենք հասել այդ կետին»,- ասաց Արմեն Համբարձումյանը:
«Արարատ-Արմենիա» - «Սպարտա Պրահա» հանդիպումը տեղի կունենա սեպտեմբերին 16-ին Երեւանի Վազգեն Սարգսյանի անվան «Հանրապետական» ստադիոնում եւ կմեկնարկի 20:45-ին։
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
20:01 , 15 սեպտեմբերի 
19:22 , 15 սեպտեմբերի 
19:08 , 15 սեպտեմբերի 
18:11 , 15 սեպտեմբերի 
17:39 , 15 սեպտեմբերի 
17:08 , 15 սեպտեմբերի 
16:49 , 15 սեպտեմբերի 
16:05 , 15 սեպտեմբերի 
15:37 , 15 սեպտեմբերի 
15:02 , 15 սեպտեմբերի 
