«Լիվերպուլի» ֆրանսիացի նորեկը

Անգլիական «Լիվերպուլը» հայտարարեց ֆրանսիական «Սենտ-Էթիենից» 18-ամյա հարձակվող Ջիլիան Ն'Գեսանի տրանսֆերի մասին։

Ֆրանսիացի ֆուտբոլիստը պաշտոնապես կմիանա «Լիվերպուլին»  մշտական ​​հիմունքներով հունվարին։

Հարձակվողը ընթացիկ մրցաշրջանի մնացած մասը կանցկացնի վարձակալությամբ ֆրանսիական Լիգա 1-ի «Բրեստ» ակումբում։

Ավելի վաղ հայտնի էր դարձել, որ տրանսֆերի արժեքը կկազմի մոտ 5 միլիոն եվրո,  պայմանագիրը ներառում է խաղացողի հետագա վաճառքից տոկոսի վերաբերյալ կետ։ Ջիլիան Ն'Գեսանը «Սենտ-Էթիենի» հիմնական թիմի կազմում անցկացրել է 13 խաղ, խփել է 1 գոլ։

Հետևեք NEWS.am SPORT-ին Facebook-ում, Twitter և Telegram-ում