Հայաստանի գավաթ․ «Լեռնային Արցախն» ու «Միկան» 1/8 եզրափակիչում են

Ֆուտբոլի Հայաստանի գավաթի խաղարկության նախնական փուլում Առաջին խմբի առաջնության ներկայացուցիչ «Լեռնային Արցախը» 5 անպատասխան գնդակ ուղարկեց «ԷկոՎիլի» դարպասը։

Դուբլի հեղինակ դարձավ Վուտհլարհի Ուիզդոմ Բալոյին։ Մեկական գոլ էլ խփեցին Մուսա Մալամ Մոհամեդը, Լևոն Աղեկյանն ու Սուրեն Հարությունյանը։ Հաղթանակի շնորհիվ Զաուր Արամյանի թիմը դուրս եկավ 1/8 եզրափակիչ։ 

Դրամատիկ պայքարում հաջորդ փուլի ուղեգիր նվաճեց նաև «Միկան»։ «Բենտոնիտի» դեմ խաղի հիմնական ժամանակն ավարտվեց գոլառատ ոչ-ոքիով՝ 2։2։ 

Լրացուցիչ ժամանակում թիմերը փոխանակվեցին մեկական գնդակով։ Հետխաղյա հարվածաշարում դիպուկ էին երևանյան ակումբի ֆուտբոլիստները՝ 4։3։ 

Հայաստանի գավաթի 1/8 եզրափակիչի վերջին մասնակիցը հայտնի կդառնա  օգոստոսի 27-ին։ 

Հայաստանի գավաթ, նախնական փուլ

«Լեռնային Արցախ» - «ԷկոՎիլ»՝ 5։0

Մուսա Մալամ Մոհամեդ, 2, Վուտհլարհի Ուիզդոմ Բալոյի, 15, 66, Լևոն Աղեկյան, 85, Սուրեն Հարությունյան, 87

«Միկա» - «Բենտոնիտ»՝ 3։3

Աբդերահման Մեկուի, 9, Հովհաննես Հովսեփյան, 25, Ալեքսեյս Վալպետերս, 39, Ախմեդ Ջինդոյան, 93, Արման Սաղաթելյան, 115, Սամվել Մանուկյան 90+4 (11մ)

Հետևեք NEWS.am SPORT-ին Facebook-ում, Twitter և Telegram-ում