«Փյունիկը» պարտության մատնեց «Արարատին» (տեսանյութ)

Ֆուտբոլի Հայաստանի Պրեմիեր լիգայի չորրորդ տուրում «Փյունիկը» հյուրընկալվեց «Արարատին» եւ առավելության հասավ 2:0 հաշվով։

56-րդ րոպեին սեփական տուգանային հրապարակում մրցակցին հարվածելու համար կարմիր քարտ ստացավ «Արարատի» 33-ամյա պաշտպան Վարազդատ Հարոյանը։

11-մետրանոցն արդյունավետ իրացնել չկարողացավ «Փյունիկի» 25-ամյա կիպրացի հարձակվող Յասոնաս Պիկիսը։

Ավելացված երրորդ րոպեին աչքի ընկավ 24-ամյա հարձակվող Գեւորգ Տարախչյանը։

Ավելացված 12-րդ րոպեին հյուրերի առավելությունը կրկնապատկեց 20-ամյա կիսապաշտպան Վյաչեսլավ Աֆյանը։

«Փյունիկը» 7 միավորով երրորդն է, «Արարատն» ունի 3 միավոր եւ 9-րդն է։

Հետևեք NEWS.am SPORT-ին Facebook-ում, Twitter և Telegram-ում