ԿԼ. «Ալաշկերտն» ու «ՉՖՌ Կլուժը» հաղթողին չպարզեցին (տեսանյութ)

Ֆուտբոլի Կոնֆերենցիաների լիգայի որակավորման երկրորդ փուլի առաջին խաղում «Ալաշկերտը» մրցեց Ռումինիայի «ՉՖՌ Կլուժի» հետ: 

Երեւանի Ավանի Ակադեմիայի մարզադաշտում անցկացված խաղում Վահե Գեւորգյանի գլխավորած թիմը ռումինական «ՉՖՌ Կլուժի» հետ բավարարվեց ոչ ոքի արդյունքով՝ 1:1:

Հանդիպման հաշիվը 35-րդ րոպեին բացեց «Ալաշկերտի» 19-ամյա բրազիլացի կիսապաշտպան Ռաֆայել Ժեզուսը, որին արդյունավետ փոխանցում կատարեց թիմի ավագ, 24-ամյա կիսապաշտպան Կարեն Նալբանդյանը (տեսանյութ): 

47-րդ րոպեին հաշիվը հավասարեցրեց «ՉՖՌ Կլուժի» 21-ամյա ռումինացի հարձակվող Անդրես Սֆայթը:

«ՉՖՌ Կլուժի» հետ պատասխան հանդիպումը տեղի կունենա հուլիսի 30-ին: 

Կոնֆերենցիաների լիգա, որակավորման երկրորդ փուլ, առաջին հանդիպում

«Ալաշկերտ» - «ՉՖՌ Կլուժ»՝ 1:1 (տեսանյութ)

Ռաֆայել Ժեզուս, 35,  - Անդրես Սֆայթ, 47

Հետևեք NEWS.am SPORT-ին Facebook-ում, Twitter և Telegram-ում