ԱԱ-2026. Անգլիան Քեյնի դուբլի շնորհիվ կամային հաղթանակով դուրս եկավ 1/8 եզրափակիչ (տեսանյութ)

Ֆուտբոլի Անգլիայի հավաքականը 2:1 հաշվով կամային հաղթանակ տարավ Կոնգոյի Դեմոկրատական Հանրապետության թիմի նկատմամբ աշխարհի առաջնության 1/16 եզրափակիչում։

ԱՄՆ-ի Ատլանտա քաղաքում տեղի ունեցած խաղում գերմանացի Թոմաս Տուխելի գլխավորած թիմն առաջինը գոլը բաց թողեց։ Արդեն 7-րդ րոպեին աչքի ընկավ իսպանական «Ալմերիայի» 28-ամյա կիսապաշտպան Բրայան Սիպենգան։

Անգլիայի հավաքականին հաղթանակ բերեց Գերմանիայի չեմպիոն Մյունխենի «Բավարիայի» 32-ամյա հարձակվող Հարի Քեյնի գոլերը 75-րդ եւ 86-րդ րոպեներին։ Երկու գոլային փոխանցումներն էլ կատարեց Իսպանիայի չեմպիոն «Բարսելոնայի» նորեկ, 25-ամյա հարձակվող Էնթոնի Գորդոնը։

1/8 եզրափակիչում Անգլիայի մրցակիցը կլինի Մեքսիկան, որը պայքարից դուրս էր թողել Էկվադորին (2:0)։

ԱԱ-2026, 1/16 եզրափակիչ

Անգլիա - Կոնգոյի Դ․Հ․՝ 2:1 (տեսանյութ)

Հարի Քեյն, 75, 86 - Բրայան Սիպենգա, 7

Հետևեք NEWS.am SPORT-ին Facebook-ում, Twitter և Telegram-ում