ԱԱ-2026․ Նորվեգիան դուրս թողեց Կոտ դ’Իվուարին, Էրլինգ Հոլանդի հաղթական գոլը (տեսանյութ)

Նորվեգիայի հավաքականը դուրս եկավ աշխարհի առաջնության 1/8 եզրափակիչ։ ԱՄՆ-ի Տեխաս նահանգի Առլինգտոն քաղաքում տեղի ունեցած մրցախաղում նորվեգացիները 2:1 հաշվով պարտության մատնեց Կոտ դ’Իվուարի թիմին։

39-րդ րոպեին հանդիպման հաշիվը բացեց գերմանական «ՌԲ Լայպցիգի» 21-ամյա հարձակվող Անտոնիո Նուսան, որին գոլային փոխանցում կատարեց Անգլիայի չեմպիոն Լոնդոնի «Արսենալի» 27-ամյա կիսապաշտպան Մարտին Էդեգորը։

74-րդ րոպեին պատասխան գոլը խփեց անգլիական «Մանչեսթեր Յունայթեդի» 23-ամյա հարձակվող Ամադ Դիալոն իսպանական «Վիլյառեալի» 31-ամյա հարձակվող Նիկոլյա Պեպեի փոխանցումից հետո։

Նորվեգիային հաղթանակ բերեց անգլիական «Մանչեսթեր Սիթիի» 25-ամյա հարձակվող Էրլինգ Հոլանդի գոլը 86-րդ րոպեին։ Գոլային փոխանցումը կատարեց նորվեգական «Բուդյո-Գլիմտի» 28-ամյա կիսապաշտպան Պատրիկ Բերգը։

1/8 եզրափակիչում Նորվեգիայի մրցակիցը հունիսի 5-ին կլինի Բրազիլիան, որը պայքարից դուրս էր թողել Ճապոնիային։

ԱԱ-2026, 1/16 եզրափակիչ

Կոտ դ’Իվուար - Նորվեգիա՝ 1:2 (տեսանյութ)

Ամադ Դիալո, 74 - Անտոնիո Նուսա, 39, Էրլինգ Հոլանդ, 86

Հետևեք NEWS.am SPORT-ին Facebook-ում, Twitter և Telegram-ում