Արթուր Սերոբյան․ Շատ ուրախ եմ, որ վերջապես խփեցի առաջին գոլը հավաքականում (տեսանյութ)

Հայաստանի հավաքականի եւ Հայաստանի չեմպիոն «Արարատ-Արմենիայի» հարձակվող Արթուր Սերոբյանը մեկնաբանել է առաջին գոլը ազգային թիմում։

Եղիշե Մելիքյանի գլխավորած թիմն ընկերական խաղում 1:1 հաշվով ոչ ոքի է խաղացել Մոլդովայի հավաքականի հետ։

«Խաղը շատ դժվար ընթացավ: Գոլի մասին կասեմ, որ շատ ուրախ եմ, որ վերջապես խփեցի առաջին գոլը հավաքականում: Ուրախ եմ, բայց դրա հետ մեկտեղ տխուր եմ, որովհետև չհաղթեցինք, բայց սա ֆուտբոլ է, շարժվում ենք առաջ: Հուսամ՝ հաղթանակները դեռ առջևում են:

Իմ կարծիքով՝ ամեն ինչ ստացվեց, ուղղակի մի բան չստացվեց՝ հենց էդ գոլ խփելը վերջին, որը ամենակարևորն է ֆուտբոլում: Բայց խաղային որակների առումով, կարծում եմ, ամեն ինչ ստացվեց, ինչ որ պլանավորել էինք մարզիչների հետ: Բայց վերջին գոլային դրվագը, որ չես կարողանում օգտագործել, դժվարանում է խաղը, ու կարծում եմ՝ հենց էդ վերջին ռեալիզացիայի պահը չկարողացանք օգտագործել:

Լավ մրցակից էր: Պաշտպանվում էին ավելի շատ, դա իրենց ոճն է՝ հակագրոհների վրա խաղալը: Մենք էլ փորձում էինք ավելի շատ ազատ տարածություններ գտնել, որպեսզի գոլեր խփեինք: Կարծում եմ՝ բազում պահեր ունեինք, որ պարտավոր էինք իրացնել, ինչը չստացվեց: Դե, մրցակիցը լավ մրցակից էր, եթե ոչ-ոքի խաղացինք»,- նշել է Արթուր Սերոբյանը:

Նախորդ ընկերական խաղում Հայաստանի հավաքականը 1:1 հաշվով ոչ ոքի էր խաղացել Ղազախստանի հավաքականի հետ։

Հետևեք NEWS.am SPORT-ին Facebook-ում, Twitter և Telegram-ում