ՄՕԿ-ը հաստատել է բռնցքամարտի օլիմպիական վարկանիշային մրցաշարերը

Միջազգային Օլիմպիական Կոմիտեն (ՄՕԿ) հաստատել է Բռնցքամարտի միջազգային ֆեդերացիայի (World Boxing) կողմից ներկայացված Լոս Անջելես-2028 Օլիմպիական խաղերի վարկանիշային մրցաշարերի ծրագիրը: Այս մասին հաղորդում է ՀԱՕԿ-ը:

Տղամարդկանց եւ կանանց օլիմպիական 7-ական քաշային կարգերում հանդես կգան  248  բռնցքամարտիկ՝ 124 տղամարդ, 124 կին։ Տղամարդկանց քաշային կարգերն են՝ 55 կգ,  60 կգ,  65 կգ,  70 կգ,  80 կգ,  90 կգ եւ + 90 կգ,  կանանց՝  51 կգ, 54 կգ, 57 կգ, 60 կգ,  65 կգ, 70 կգ եւ + 75 կգ:

Օլիմպիական վարկանիշային մրցաշարերը կանցկացվեն 4 փուլով՝ աշխարհի առաջնություն, մայրցամաքային առաջնություններ եւ երկու վարկանիշային մրցաշար:

2027 թ. ապրիլին Ղազախստանում անցկացվելիք աշխարհի առաջնությունը կլինի առաջին վարկանիշային մրցաշարը: Երկրորդ փուլը կլինի մայրցամաքային առաջնությունները: Եվրոպական գոտու համար վարկանիշային կլինի 2027 թ. անցկացվելիք Եվրոպական խաղերը: Երրորդ եւ չորրորդ փուլերը կլինեն 2028 թ. մինչեւ մայիսի 31-ն անցկացվելիք երկու վարկանիշային մրցաշարերը:

Որակավորման փուլերը եւ Լոս Անջելես-2028 Օլիմպիական խաղերի բռնցքամարտի մրցաշարը կանցկացնի World Boxing-ը,  որը ՄՕԿ-ի կողմից ճանաչված բռնցքամարտի միջազգային ֆեդերացիան է։

Հետևեք NEWS.am SPORT-ին Facebook-ում, Twitter և Telegram-ում