«Արսենալը» դուրս եկավ կիսաեզրափակիչ (տեսանյութ)

Անգլիայի փոխչեմպիոն Լոնդոնի «Արսենալը» դուրս եկավ Անգլիական լիգայի գավաթի խաղարկության կիսաեզրափակիչ։

Իսպանացի Միկել Արտետայի գլխավորած թիմը լոնդոնյան դերբիում ընդունեց «Քրիսթալ Փելասին» եւ առավելության հասավ հետխաղային 11-մետրանոցներով` 8:7։

Հիմնական ժամանակն ավարտվել էր ոչ ոքի՝ 1:1:

80-րդ րոպեին սեփական դարպասը գրավեց հյուրերի ֆրանսիացի պաշտպան Մաքսանս Լակրուան։

Ավելացված 5-րդ րոպեին հավասարությունը վերականգնեց անգլիացի պաշտպան Մարկ Գեհին։

Կիսաեզրափակիչում «Արսենալի» մրցակիցը կլինի Լոնդոնի «Չելսին»։ Կիսաեզրափակիչի մյուս զույգը կազմել են «Նյուքասլ Յունայթեդն» ու «Մանչեսթեր Սիթին»։

Անգլիական լիգայի գավաթ, քառորդ եզրափակիչ

«Արսենալ» - «Քրիսթալ Փելաս»՝ 1:1, 11մ՝ 8:7 (տեսանյութ)

Մաքսանս Լակրուա, 80, ինքնագոլ - Մարկ Գեհի, 90+5

Հետևեք NEWS.am SPORT-ին Facebook-ում, Twitter և Telegram-ում