09:57  ,  12 նոյեմբերի, 2025

Արինա Սաբալենկան գերազանցել է Սերենա Ուիլյամսի ռեկորդը

Աշխարհի առաջին ռակետ Արինա Սաբալենկան գերազանցել է ամերիկացի Սերենա Ուիլյամսի ռեկորդը մեկ մրցաշրջանում ստացած մրցանակային գումարի չափով, հաղորդում է TNT Sports-ը։

Բելառուսի ներկայացուցիչն այս տարի մրցաշարերում ստացել է 15 008 519 դոլար մրցանակային գումար։

Սերենա Ուիլյամսը 2013 թվականին ստացել էր 12 385 572 դոլար։

2013-ին Սերենա Ուիլյամսը հաղթել էր «Ռոլան Գարոսում», US Open-ում եւ տարվա ամփոփիչ առաջնությունում՝ WTA Finals-ում։

Այս տարի Սաբալենկան հաղթել է US Open-ում, Մադրիդի եւ Մայամիի WTA-1000 մրցաշարերում եւ Բրիսբենի WTA-500 մրցաշարում։

Հետևեք NEWS.am SPORT-ին Facebook-ում, Twitter և Telegram-ում

Print    |  In English

  • Related News