Ռոբերտո Մարտինես․ Հայաստանը մրցունակ թիմ է եւ էլ ավելի մրցունակ կարող է լինել ապագայում

Հայաստանը մրցունակ թիմ է, բայց այս երկու թիմերի մեջ  համեմատություն տանելու կարիք չկա:

Այսպես իր թիմի խոշոր հաշվով հաղթանակը Հայաստանի նկատամբ մեկնաբանեց ֆուտբոլի Պորտուգալիայի հավաքականի գլխավոր մարզիչ Ռոբերտո Մարտինեսը:

ԱԱ-2026 ընտրական փուլի առաջին խաղում Հայաստանի հավաքականը տանը 0:5 հաշվով պարտվեց պորտուգալացիներին:

«Հայաստանը մրցունակ թիմ է եւ էլ ավելի մրցունակ կարող է լինել ապագայում:

Հայատանի հավաքականը չէր կոտրվում, փորձում էր արագ գոլերից հետո արագ վերականգնվել եւ գնալ հակագրոհի:

Չէի ցանկանա թիմերի մակարդակների համեմատություններ անել: Իմ թիմն այսօր շատ լավ հանդիպում անցկացրեց: Այս թիմերի մեջ համեմատության կարիք չկա:

Իմ թիմը կատարեց իր առջեւ դրված բոլոր խնդիրները»,- ասաց Ռոբերտո Մարտինեսը:

Սեպտեմբերի 9-ին Հայաստանի թիմը ընտրական մրցաշարի երկրորդ տուրում կընդունի Իռլանդիայի թիմին։

Լուսինե Շահբազյան

Հետևեք NEWS.am SPORT-ին Facebook-ում, Twitter և Telegram-ում