«Ռոլան Գարոս»․ Կորի Գաուֆը հաղթեց Արինա Սաբալենկային եւ նվաճեց տիտղոսը

Աշխարհի երկրորդ ռակետ Կորի Գաուֆը նվաճեց Ֆրանսիայի բաց առաջնության չեմպիոնի տիտղոսը։ Եզրափակիչում ամերիկացի թենիսիստուհին մրցեց աշխարհի առաջին ռակետ, Բելառուսի ներկայացուցիչ Արինա Սաբալենկայի հետ եւ առավելության հասավ 6:7 (5:7), 6:2, 6:4 հաշվով։ Պայքարը տեւեց 2 ժամ եւ 38 րոպե։

Կորի Գաուֆը երկրորդ անգամ էր խաղում «Ռոլան Գարոսի» եզրափակիչում։ 2022-ին նա պարտվել էր լեհ Իգա Շվյոնտեկին։

21-ամյա թենիսիստուհին հաղթանակի համար կստանա 2,5 միլիոն եվրո։

Նա երկրորդ տիտղոսը նվաճեց «Մեծ սաղավարտի» մրցաշարերում։ 2023-ին Կորի Գաուֆը ԱՄՆ-ի բաց առաջնության եզրափակիչում հաղթել էր Սաբալենկային։

27‑ամյա Սաբալենկան առաջին անգամ էր հասել «Ռոլան Գարոսի» եզրափակիչ։ Նա Australian Open-ի կրկնակի չեմպիոն է, մեկ անգամ էլ հաղթել է US Open-ում։

Հետևեք NEWS.am SPORT-ին Facebook-ում, Twitter և Telegram-ում