00:54  ,  29 մարտի, 2025

ATP-1000. Ջոկովիչը դուրս եկավ եզրափակիչ՝ գրանցելով ռեկորդ, մրցախաղին հետեւում էր նաեւ Մեսին (տեսանյութ)

Աշխարհի 5-րդ ռակետ Նովակ Ջոկովիչը դուրս եկավ Մայամիում անցկացվող ATP-1000 («Մասթերս») մրցաշարի եզրափակիչ։ Սերբ թենիսիստը 6:2, 6:3 հաշվով պարտության մատնեց աշխարհի 15-րդ ռակետ, բուլղարացի Գրիգոր Դիմիտրովին։

Մրցախաղին հետեւում էր նաեւ աշխարհի չեմպիոն Արգենտինայի հավաքականի եւ ամերիկյան «Ինտեր Մայամիի» 37-այա հարձակվող Լիոնել Մեսին։

37-ամյա Նովակ Ջոկովիչը դարձավ «Մասթերս» մրցաշարերի պատմության մեջ եզրափակիչ հասած ամենատարեց մարզիկը։

Նովակ Ջոկովիչի մրցակիցը եզրափակիչում կլինի աշխարհի 54-րդ ռակետ, չեխ Յակուբ Մենշիկի ու աշխարհի չորրորդ ռակետ, ամերիկացի Թեյլոր Ֆրիցի դիմակայության հաղթողը։

Մայամիի մրցաշարի մրցանակային հիմնադրամը 9,1 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում


  • Related News