12:04  ,  1 մարտի, 2025

Ամերիկացի Նավարոն հաղթեց թուրք Սյոնմեզին եւ կմրցի Ավանեսյանի հետ

Աշխարհի 10-րդ ռակետ Էմմա Նավարոն դուրս եկավ Մեքսիկայի Մերիդա քաղաքում անցկացվող WTA-500 մրցաշարի կիսաեզրափակիչ։ Ամերիկացի թենիսիստուհին 6:4, 6:2 հաշվով պարտության մատնեց աշխարհի 88-րդ ռակետ, թուրք Զեյնեպ Սյոնմեզին։

Եզրափակիչի ուղեգրի համար Էմմա Նավարոն կմրցի աշխարհի 45-րդ ռակետ, Հայաստանի ներկայացուցիչ Էլինա Ավանեսյանի հետ, որը քառորդ եզրափակիչում 4:6, 6:2, 6:0 հաշվով հաղթել էր աշխարհի 103-րդ ռակետ, ավստրալացի Մայա Ջոյնթին։

Merida Open-ի մրցանակային հիմնադրամը 1,064 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում

Print  

  • Related News